მენჯ-ბარძაყის ვარჯიშები ხშირად გამოიყენება აღნიშნული სახსრის დაზიანებების დროს, დაზიანება შეიძლება მერყეობდეს მსუბუქიდან მძიმემდე და გამოწვეული იყოს ისეთი ფაქტორებით როგორიცაა:ტრავმა, სახსრის არადოზირებული დატვირთვა ან დეგენერაციული დაავადებები.მენჯ-ბარძაყის ვარჯიშები,მენჯის ირგვლივ მდებარე კუნთებს ძალის და მოქნილობის გაუმჯობესებაში ეხმარება.
მენჯ-ბარძაყის ვარჯიშების ბენეფიტები
მენჯ-ბარძაყის ვარჯიშებს მრავალი სარგებელი აქვს,ის ხელს უწყობს პაციენტის ფუნქციონირების გაუმჯობესებას, ტრავმების პრევენციას და სიცოცხლის ხარისხის გაუმჯობესებას.ვარჯიშების რეგულარული შესრულების რამდენიმე უპირატესობაა:
1. ვარჯიშები მიზნად ისახავს თეძოს,ბარძაყისა და დუნდულა კუნთების ძალის,სტაბილურობას და მოქნილობის გაუმჯობესებას, რის შედეგადაც მცირდება დაცემის რისკი.
2. ვარჯიშები ხელს უწყობს ქვედა კიდურების გაძლიერებას,რაც ამარტივებს სიარულს,სირბილს,კიბეზე ასვლის პროცესს და სხვა.
3. დინამიური მოძრაობები აუმჯობესებს მოქნილობასა და სახსრის მოძრაობის დიაპაზონს.
4. ხელს უწყობს ტრავმების შემდეგ სწრაფ აღდგენას
5. ოსტეოაროზის დროს ვარჯიშები გვაძლევს სიმპტომების მართვისა და სახსრის ფუქნციის გაუმჯობესების საშუალებას
მენჯ-ბარძაყის სხვადასხვა ტიპის ვარჯიში
● “მენჯის აწევა”
დაწექით ზურგზე და მოხარეთ ფეხები მუხლის სახსარში. დაჭიმეთ მუცლის კუნთები და მენჯ-ბარძაყის მიდამოთი დააწექით იატაკს . პოზიცია დააფიქსირეთ რამდენიმე წამი,შემდეგ დაისვენეთ.სასურველია ვარჯიში გაიმეოროთ 10-15ჯერ.
● “ხიდი”
დაწექით ზურგზე და მოხარეთ ფეხები მუხლის სახსარში,ისე რომ ფეხები იყოს მენჯ-ბარძაყის სიგანეზე. აწიეთ თეძო ჰაერში და დაჭიმეთ დუნდულები. პოზიცია დააფიქსირეთ რამდენიმე წამი და კვლავ დაუბრუნდით საწყის პოზიციას. ვარჯიში გაიმეორეთ 12-15ჯერ.
● “ფეხის აწევა”
დაწექით ზურგზე,ერთი ფეხი მოხარეთ მეორე კი გაშალეთ.აწიეთ გაშლილი ფეხი იატაკიდან რამდენიმე სანტიმერტზე და შემდეგ დაუბრუნდით საწყის პოზიციას. ვარჯიში გაიმეორეთ 12-15ჯერ ორივე ფეხით.
● “საათი სავარჯიშო”
დაჯექით ან დაწექით ნეიტრალურ მდგომარეობაში.წარმოიდგინეთ რომ თქვენი მენჯი საათის ცენტრია.გადახარეთ მენჯი წინ(12 საათისკენ),შემდეგ უკან(6 საათისკენ) და გვერდი-გვერდ (3 საათი და 9 საათი). შეასრულეთ ნელი და კონტროლირებადი მოძრაობები.
● ქვედა კიდურის გაჭიმვა
დადექით მარჯვენა მუხლზე,მარცხენა ფეხი კი დადგით წინ,ისე რომ მუხლის სახსარში 90 გრადუსიანი კუთხე იქმნებოდეს. ნაზად გაწიეთ თეძოები უკან და იგრძენით კუნთის დაჭიმვა. პოზიცია დააფიიქსირეთ 20-30 წამი და გაიმეორეთ ვარჯიში მეორე ფეხზე.
● კეგელის ვარჯიშები
დაჯექით ან დაწექით კომფორტულად.შეკუმშეთ კუნთები მენჯის ფსკერის გარშემო.გააჩერეთ რამდენიმე წამი და დაისვენეთ.გაიმეორეთ 10-15ჯერ.
● ვარჯიში მდგომარე პოზიციაში
დადექით სკამთან ან კედელთან და დაეყრდენით.გაწიეთ ცალი ფეხი და დააშორეთ სხეულს,პოზიცია დააფიქსირეთ რამდენიმე წამი და დააბრუნეთ საწყის მდგომარეობას. ვარჯიში გაიმეორეთ 10-15ჯერ.
Popular Post
-
07/11/2023
ჰაიმორიტი - სიმპტომები და მკურნალობა
-
-
06/06/2023
რა არის ოსტეოქონდროზი?
-
15/06/2023
ართრიტი გამომწვევი მიზეზები და მკურნალობა
-
10/06/2023
რა არის ნევრალგია და როგორ ვუმკურნალოთ მას?
