სამედიცინო რეაბილიტაცია

რა ბენეფიტები აქვს სამედიცინო რეაბილიტაციას?

1. გაუმჯობესებული ფიზიკური ფუნქცია : რეაბილიტაცია ეხმარება პაციენტებს ძალის,მოქნილობის და კოორდინაციის  გაუმჯობესებაში. სამკურნალო ვარჯიშები და ტექნიკა მნიშვნელოვნად აუმჯობესებს კუნთების სახსრების მობილურობას. 

2. ტკივილის მართვა : რეაბილიტაციის თანამედროვე მეთოდები წარმატებით გამოიყენება როგორც მწვავე ისე ქრონიკული ტკივილის მართვაში. 

3. სწრაფი აღდგენა : ოპერაციის შემდგომი რეაბილიტაცია აჩქარებს გამოჯანმრთელების პროცესს,ეხმარება პაციენტს  რომ სწრაფად დაუბრუნდეს ჩვეული ცხოვრების წესს და ამცირებს გართულებების რისკს. 

4. დამოუკიდებლობა და თავის მოვლა : ოკუპაციური თერაპია ორიენტირებულია ყოველდღიური საქმიანობის დამოუკიდებლად შესრულების უნარის გაუმჯობესებაზე. ეს მოიცავს ისეთ დავალებებს,როგორიცაა ჩაცმა,ბანაობა,კვება და სხვა. 

5. დაზიანებების პრევენცია : რეაბილიტაციის პროცესში პაციენტები სწავლობენ როგორ აიცილონ თავიდან  პოტენციური დაზიანებები.

6. მენტალური და ემოციური კეთილდღეობა : რეაბილიტაცია მოიცავს ფსიქოლოგიურ მხარდაჭერასაც. 

როდის არის საჭირო სამედიცინო რეაბილიტაციის გაკეთება?

სამედიცინო რეაბილიტაცია აუცილებელია ისეთი მდგომარეობების დროს, როდესაც საჭიროა ფიზიკური ფუნქციის აღდგენა,მობილობის და ცხოვრების საერთო ხარისხის გაუმჯობესება,  რამდენიმე ძირითადი მდგომარეობაა:

● პოსტოპერაციული პერიოდი : გარკვეული ოპერაციების შემდეგ, განსაკუთრებით კი ორთოპედიული პროცედურების შემდეგ,ფიზიკური რეაბილიტაცია ხელს უწყობს მობილობის,სიძლიერის და ფუნქციის აღდგენას. 

● ტრავმის შემდგომი რეაბილიტაცია : სპორტული დაზიანებების და ტრავმის შემდეგ(მოტეხილობა, დაჭიმულობა, მყესების მთლიანობის რღვევა და სხვა),რეაბილიტაცია მიზნად ისახავს შეხორცების ხელშეწყობას,ტკივილის შემცირებას და ფუნქციის აღდგენას. 

● ქრონიკული ტკივილი : რეაბილიტაცია ეხმარება ქრონიკული ტკივილის მქონე პაციენტებს ტკივილის მართვასა  და ცხოვრების საერთო ხარისხის გაუმჯობესებაში.

● ნევროლოგიური მდგომარეობები : რეაბილიტაცია გადამწყვეტია ისეთი ნევროლოგიური დაზიანებების დროს,როგორიცაა ინსულტი,ზურგის ტვინის დაზიანება,გაფანტული სკლეროზი,პარკინსონის დაავადება და სხვა.

● კარდიოლოგიური პრობლემები: ინფარქტის ან კარდიოქირურგიული ოპერაციის შემდგომ პერიოდში,რეაბილიტაცია ხელს უწყობს გულ-სისხლძარღვთა სისტემის ფუნქციის გაუმჯობესებას. 

● რესპირატორული პრობლემები: ქრონიკული რესპირატორული დაავადებების მქონე პაციენტებისთვის რეაბილიტაცია ფოკუსირებულია სუნთქვის გაუმჯობესებაზე და ა.შ

● ბალანსის პრობლემები : ხანდაზმული პირები ან პაციენტები,რომლებსაც სხვადასხვა ქრონიკული მდგომარეობის შედეგად აღენიშნებათ ბალანსისა და კოორდინაციის დარღვევა,საჭიროებენ  რეაბილიტაციას დამოუკიდებლობის გასაუმჯობესებლად და დაცემის რისკის შესამცირებლად. 

● განვითარების შეფერხება: განვითარების შეფერხების ან შეზღუდული შესაძლებლობის მქონე ბავშვებს რეაბილიტაცია ეხმარება მოტორული ფუნქციებისა და ზოგადი მდგომარეობის გაუმჯობესებაში.

● ორსულობა და მშობიარობის შემდგომი პერიოდი: სარეაბილიტაციო პროგრამების მეშვეობით პაციენტებს უმარტივდებათ პოსტსამშობიარო პერიოდი. 

ყველაზე მოთხოვნადი სამედიცინო რეაბილიტაციის პროცედურები

სამედიცინო რეაბილიტაცია მოიცავს პროცედურების ფართო სპექტრს. თითოეულის ეფექტურობა დამოკიდებულია გამომწვევ მიზეზსა და სიმძიმეზე. ძირითადი სარეაბილიტაციო პროცედურებია:

● ფიზიკური თერპია, რომელიც მოიცავს სამკურნალო ვარჯიშს, სახსრის დამუშავების ტექნიკებს და ა.შ 

● ოკუპაციური თერაპია  

● მეტყველებისა და ენის, ასევე ყლაპვის თერაპია (დისფაგიის დროს) 

● ულტრაბგერითი თერაპია

● ელეტქროთერაპია

● ლაზეროთერაპია

● მაგნიტოთერაპია

● ულტრაფონოფორეზი

● PRP თერაპია