თიაქარი - სიმპტომები და მკურნალობა

თიაქრის სიმპტომები

თიაქარი ხშირად მარტივად შესამჩნევი სიმპტომოკომპლექსით ვლინდება , თუმცა ზოგიერთ შემთხვევაში მდგომარეობის მიმდინარეობა შეიძლება ასიმპტომურიც იყოს. ძირითადი მახასიათებელი ნიშნებია:

● ლოკალიზებული ტკივილი, რომელიც შეიძლება გაუარესდეს მოძრაობისას.

● გადაცემითი ტკივილი. მაგალითად ხერხემლის თიაქრის დროს დამახასიათებელია ტკივილის ირადიაცია მკლავში, ფეხებსა ან დუნდულებზე(ცნობილი როგორც რადიკულოპათია)

● დაბუჟება ან ჩხვლეტის შეგრძნება დაზიანებულ ადგილებში

● კუნთების დასუსტება, რაც გამოიწვევს საგნების აწევის,დაჭერის ან რუტინული დავალებების შესრულების სირთულეს.

● სიმტციკე,შემცირებული მოქნილობა და შეზღუდული მობილურობა, რაც ართულებს მოხრას,დგომას ან სიარულს.

● გართულებულ შემთხვევებში დამახასიათებელია შარდვის ან დეფეკაციის კონტროლის დაკარგვა.

თიაქრის მკურნალობა

მკურნალობის გზა დამოკიდებულია სიმპტომების სიმძიმეზე და თიაქრის მდებარეობაზე. ძირითადი სამკურნალო მიდგომებია:

1. კონსერვატიული მკურნალობა - საშუალო და მსუბუქი სიმძიმის შემთხვევების დროს ხშირად რეკომენდირებულია არაქირურგიული მეთოდები.

● დასვენება და აქტივობების მოდიფიკაცია - მოერიდეთ დაძაბულ აქტივობებს.

● ფიზიკური თერაპია - მიზანმიმართული ვარჯიშები ამცირებს დისკომფორტს

● ტკივილის მართვა - არასტეროიდული ანთების საწინააღდმეგო საშუალებების გამოყენება ან ულტრაბგერითი თერაპია ტკივილის მართვის კარგი საშუალებებია

● სიცხისა და სიცივის თერაპია

2. მინიმალურად ინვაზიური პროცედურები - თუ კონსერვატიული მკურნალობა უშედეგოა, განიხილება შემდეგი ვარიანტები:

● სტეროიდების ეპიდურული ინექციები - აქვს ანთების საწინააღმდეგო მოქმედება

● ხერხემლის დეკომპრესიული თერაპია - არაქირურგიული ტრაქციული თერაპია მალაზე წნევის შესამსუბუქებლად

3. ქირურგიული მკურნალობა - როგორც წესი განკუთვნილია მძიმე შემთხვევებისათვის, რომლის დროსაც სიმპტომთა უწყვეტი მიმდინარეობაა.

● მიკროდისკექტომია

● ლამინექტომია

რა უნდა გავითვალისწინოთ თიაქრის მკურნალობისას?

● სიმპტომების სიმძიმე: მუდმივი ტკივილი, კუნთების სისუსტე ან ნერვის კომპრესია მოითხოვს ინტენსიურ მკურნალობას.

● გართულებების რისკი : დაგვიანებული მკურნალობა იწვევს მდგომარეობის დამძმებას და ნერვული ქსოვილის ფუნქციონირების დაქვეითებას.

● მკურნალობის კურსის შემდეგ აუცილებელია ფიზიკური თერაპია და პირვანდელი აქტივობების თანდათანობითი დაბრუნება

● მკურნალობის პროცესში აუცილებელია აქტივობების მოდიფიკაცია, ნაკლები დატვირთვა და სიმძიმეების აწევისგან თავის შეკავება.

● რეკომენდირებულია თამბაქოს მოწევის შეწყვეტა

როგორც ავიცილოთ თავიდან თიაქარი?

 მიუხედავად იმისა,რომ თიაქრის თავიდან აცილების გზები ფაქტობრივად არ არსებობს, ჯანსაღმა ჩვევებმა შესაძლებელია შეამციროს მისი განვითარების ალბათობა:

● აუცილებელია სწორი პოზის შენარჩუნება. 

● ვარჯიშის მეშვეობით მუცლისა და ზურგის კუნთების გაძლიერება პრევენციის ერთ-ერთი საუკეთესო საშუალებაა

● სასურველია მძიმე საგნების აწევის მინიმიზაცია, ან აწევის შემთხვევაში კიდურების დატვირთვა (და არა ზურგის)

● ჯანსაღი წონის შენარჩუნება

● მოწევის შეწყვეტა