ფიზიოთერაპია ბავშებში

როდის არის საჭირო ფიზიოთერაპია ბავშვებში?

ფიზიოთერაპია ბავშვებში რეკომენდირებულია შემდეგი მდგომარეობების დროს:

1. განვითარების შეფერხება : თუ ბავშვი ვერ ეწევა მოტორული განვითარების ეტაპებს (როგორიცაა ჯდომა,ცოცვა,ხოხვა და სხვა), ფიზიოთერაპია ეხმარება უნარების გაუმჯობესებაში. 

2. ნევროლოგიური მდგომარეობები : ცერებრალური დამბლა,სპინა ბიფიდა და ტვინის ტრავმული დაზიანება გავლენას ახდენს ბავშვის უნარებზე აკონტროლოს მოძრაობა. ფიზიოთერაპია აუმჯობესებს მოტორულ უნარებს,ბალანსს და კოორდინაციას. 

3. გენეტიკური დარღვევები : დაუნის სინდრომის დროს ფიზიოთერაპია უმკლავდება ისეთ სიმპტომებს,როგორიცაა კუნთების დაბალი ტონუსი და სახსრების სტაბილურობა. ეს ეხმარება ბავშვებს დამოუკიდებლობაში და მობილურობის გაძლიერებაში.

4. ძვალ-კუნთოვანი პრობლემები : ფიზიოთერაპია აღადგენს მოძრაობას,ძალას და აკონტროლებს პოზას. 

5. რესპირატორული პრობლემები : კისტური ფიბროზის ან ასთმის დროს კარდიორესპირატორული თერაპია აუმჯობესებს სუნთქვას,ფილტვების ტევადობას და გამძლეობას.  

6. სპორტული დაზიანებები და პოსტოპერაციული აღდგენა : ბავშვებს,რომლებიც გადიან პოსტტრავმულ პერიოდს, ესაჭიროებათ ფიზიოთერაპია ძალების აღდგენისათვის, სახსრების სიმტკიცის თავიდან ასაცილებლად და საქმიანობაში დასაბრუნებლად. 

რა ბენეფიტები აქვს ფიზიოთერაპიას ბავშვებში?

● ფიზიოთერაპია აუმჯობესებს ძალას,მოქნილობას,წონასწორობასა და კოორდინაციას. 

● ამცირებს ტკივილს, აუმჯობესებს პოზას და ხელს უშლის მეორადი გართულებების ჩამოყალიბებას. 

● საშუალებას აძლევს ბავშვებს მონაწილეობა მიიღონ სპორტში,თამაშში და სხვადასხვა ოჯახურ აქტივობებში. 

● აძლიერებს თავდაჯერებულობას და ანიჭებს ბავშვს დამოუკიდებლობას. 

● ქმნის საფუძველს ხანგრძლივი ფიზიკური ჯანმრთელობისათვის. 

ფიზიოთერაპიის სხვადასხვა ტიპები ბავშვებში 

1. ნევროლოგიური ფიზიოთერაპია : აძლიერებს მოტორულ უნარებს. 

2. ძვალ-კუნთოვანი სისტემის ფიზიოთერაპია: ფოკუსირებულია ტრავმაზე,დაზიანება და პოზის კონტროლზე.

3. კარდიორესპირატორული ფიზიოთერაპია: აუმჯობესებს ფილტვის ფუნქციას და აძლიერებს რესპირატორულ სისტემას. 

4. ფიზიოთერაპია განვითარების შეფერხების დროს : ეხმარება ბავშვებს ასაკის შესაბამის მოტორულ განვითარებაში. 

რა პროცედურებს მოიცავს ფიზიოთერაპია ბავშვებში

 ფიზიოთერაპია ბავშვებში აერთიანებს პროცედურების ფართო სპექტს, ყველაზე ხშირად გამოყენებადი პროცედურებია:

● თამაშზე დაფუძნებული თერაპია : აერთიანებს თამაშებსა და სავარჯიშოებს,რათა სესიები იყოს სახალისო. 

● გამაძლიერებელი ვარჯიშები : აძლიერებს კუნთოვან სისტემას, ხშირად შერწყმულია გაჭიმვებთან. 

● ბალანსისა და კოორდინაციის აქტივობები : აუმჯობესებს სხეულის სტაბილურობას.

● ჰიდროთერაპია : ხსნის დაძაბულობას და ზრდის მოძრაობის დიაპაზონს.

● მზერის სტაბილიზაცია : აუმჯობესებს ვიზუალურ-მოტორულ კოორდინაციას და ეხმარება თავბრუსხვევისა და წონასწორობის პრობლემების მქონე ბავშვებს. 

● სენსორული ინტეგრაციის ტექნიკები : ეხმარება ბავშვებს სენსორული ინფორმაციის ეფექტურ გადამუშავებაში.