დისკოპათია, ასევე ცნობილი როგორც მალთაშუა დისკის დეგენერაციული დაავადება, წარმოადგენს ზურგის ტკივილის ერთ-ერთ ყველაზე გავრცელებულ მიზეზს.
დაავადებისას, მალთაშუა დისკების დეჰიდრატაციისა და მოცულობის კლების შედეგად, ხერხემალ ის სვეტზე დატვირთვა არათანაბრად ნაწილდება , რის შედეგადაც ვლინდება სხვადასხვა სიმპტომები.
დისკოპათია შეიძლება ხერხემლის ნებისმიერ სეგმენტზე განვითარდეს, თუმცა ყველაზე ხშირად კისრისა და წელის მიდამოში ვლინდება.
დისკოპათიის სიმპტომები
● ტკივილი - დისკოპათიის ძირითადი სიმპტომია. ტკივილის მახასიათებლებია:
➔ მჩხვლეტავი, მუდმივი ხასიათის ტკივილი ზურგის არეში
➔ შეიძლება იყოს ადგილობრივი, ან გადაცემითი ფეხის არეში
➔ აღმოცენდება პერიოდულად,ახასიათებს გამწვავებები და შეიძლება გაგრძელდეს რამდენიმე კვირა ან თვე
➔ ჯდომისას უარესდება, ხოლო ფეხზე დგომისას და მოძრაობისას მსუბუქდება
➔ უარესდება მოხრილ მდგომარეობაში
➔ მწოლიარე პოზიცია ტკივილს ამცირებს
● სახსრების მობილობის შეცვლა - დისკოპათიის ლოკალიზაციიდან გამომდინარე, არსებულ სეგმენტში შესაძლოა გართულდეს მოძრაობის შესრულება
● მოძრაობის დიაპაზონის შემცირება - დისკოპათიისას მალთაშუა დისკები კარგავენ ელასტიურობას, რაც ხელს უშლის მოძრაობის პროცესს.
● დაბუჟების ან ჩხვლეტის შეგრძნება - თუ დაზიანებული დისკი აწვება ნერვს, ნერვის მიერ ინერვირებულ ნაწილში შეიძლება გამოიწვიოს დაბუჟების ან ჩხვლეტის შეგრძნება.
● კუნთების სისუსტე
რამ შეიძლება გამოიწვიოს დისკოპათია?
დისკოპათიის ზუსტი გამომწვევი მიზეზი ბოლომდე არ არის ცნობილი, თუმცა არსებობს ფაქტორები, რაც ხელს უწყობს მდგომარეობის განვითარებას:
● დისკოპათიის ხელშემწყობი მთავარი ფაქტორი ორგანიზმის დაბერების პროცესია.ასაკის მატებასთან ერთად, მალთაშუა დისკები კარგავენ წყლის შემცველობას და ელასტიურობას, შედეგად,დისკები თხელდება და ვეღარ უძლებს ჩვეულ დატვირთვას.
● გენეტიკა
● მექანიკური ცვეთა - განმეორებითი მოძრაობები, ცუდი პოზის შერჩევა, ხერხემლის ხშირი მცირე ტრავმები დროთა განმავლობაში დისკის გადაგვარებას უწყობს ხელს.
● მწეველობა
● სიმსუქნე
● ფიზიკური აქტივობის ნაკლებობა, მჯდომარე ცხოვრების წესი
● საკვები ნივთიერებების ნაკლებობა
დისკოპათიის მკურნალობა
დისკოპათიის საწყისი სტადიის მკურნალობა არაინვაზიურია, ის ძირითადად მოიცავს:
● ანთების საწინააღმდეგო არასტეროიდული ნივთიერებების მიღება
● ცხოვრების წესის მოდიფიკაცია - ოპტიმალური წონის შენარჩუნება/მიღწევა, სწორი პოზიციონირება, არასწორი დატვირთვისგან თავის არიდება და ა.შ .
● ფიზიკური თერაპია: ინდივიდუალურად შერჩეული ვარჯიშები და გაჭიმვები აუმჯობესებს ხერხემლის მოქნილობას, აძლიერებს კუნთებს და ამსუბუქებს ტკივილს.
● რეგენერაციული თერაპიები: PRP-თერაპია , ულტრაბგერითი თერაპია , ელექტრო თერაპია , მაგნიტოთერაპია .
პოპულარული სტატიები
-
07/11/2023
ჰაიმორიტი - სიმპტომები და მკურნალობა
-
-
06/06/2023
რა არის ოსტეოქონდროზი?
-
10/06/2023
რა არის ნევრალგია და როგორ ვუმკურნალოთ მას?
-
15/06/2023
ართრიტი - გამომწვევი მიზეზები და მკურნალობა
