პასიური მოძრაობის თერაპია

რა ტიპის ვარჯიშები კეთდება პასიური მოძრაობის თერაპიის დროს?

პასიური მოძრაობის თერაპიის დროს შესრულებული ვარჯიშები განსხვავდება პაციენტის მდგომარეობის,რეაბილიტაციის მიზნების და  თერაპევტის შეფასების მიხედვით. ძირითადად შესრულებული ვარჯიშებია:

1. უწყვეტი პასიური მოძრაობა (CPM) - პასიური მოძრაობის ტიპია,რომლის დროსაც გამოიყენება სპეციალური მოწყობილობა სახსრის მოძრაობის კონტროლირებად დიაპაზონში განსახორციელებლად. თერაპია  გამოიყენება ორთოპედიული ოპერაციების შემდეგ, მოსალოდნელი გართულებების  პრევენციისთვის. 

2. სტატიკური გაჭიმვა - გულისხმობს კუნთის ან სახსრის დაჭიმულ მდგომარეობას გარკვეული პერიოდის განმავლობაში.ხელს უწყობს კუნთის მოქნილობის გაუმჯობესებას და ამცირებს დაჭიმულობას. 

3. ქანქარისებრი მოძრაობები- მაგალითად  მხრის თავისუფლად ჩამოკიდება და წრიული მოძრაობების შესრულებას.ძირითადად გამოიყენება მხრის სახსრის სავარჯიშოდ. 

4. მოძრაობის დიაპაზონის გასაზრდელი ვარჯიშები - ამ მიზნის მისაღწევად  სხვათასხვა მოწყობილობის ან თერაპევტის მეშვეობით ხორციელდება სხვადასხვა სახსრის მოძრაობა.

5. ზურგის პასიური მოძრაობები -  ნაზი კონტროლირებადი  მოძრაობები აუმჯობესებს მოქნილობას.

პასიური მოძრაობის თერაპიის ბენეფიტები

პასიური მოძრაობის თერაპია პაციენტს  ბევრ სარგებელს სთავაზობს,განსაკუთრებით ტრავმის ან ოპერაციის შემდეგ,როცა სახსრის აქტიური მოძრაობის უნარი დაქვეითებულია ან არ არსებობს .ძირითადი ბენეფიტებია:

● სახსარს მოქნილობას გაუმჯობესება / შენარჩუნება 

● ხელს უშლის კუნთების ჰიპოტროფიას

● ამცირებს კონტრაქტურის განვითარების რისკს

● აუმჯობესებს ტროფიკას 

● ამსუბუქებს ტკივილს

● ხელს უწყობს სწრაფ რეაბილიტაციის პროცესს

როდის არის საჭირო პასიური მოძრაობის თერაპია?

 პასიური მოძრაობის თერაპია აუცილებელია ჩატარდეს პროფესიონალის მეთვალყურეობით . თერაპიის ჩატარების ხანგრძლივობა და სიხშირე დამოკიდებულია კონკრეტულ მდგომარეობაზე,გამოჯანმრთელების სტადიაზე და პაციენტის ინდივიდუალურ საჭიროებებზე.

 ძირითადი მდგომარეობები,რომლის დროსაც ტარდება პასიური მოძრაობის თერაპია შემდეგია:

● ოპერაციის შემდგომი რეაბილიტაცია : გარკვეული ქირურგიული პროცედურების შემდეგ,განსაკუთრებით კი ორთოპედიული ოპერაციების შემდეგ,პასიური მოძრაობის თერაპია აღდგენის ერთ-ერთი საუკეთესო საშუალებაა.

● იმობილიზაციის პერიოდები : როდესაც სახსარი გარკვეული დროის განმავლობაში იმობილიზებული იყო , შემდეგ საჭიროა პასიური მოძრაობის თერაპია კონტრაქტურის  პრევენციისთვის და სახსრის მოქნილობის შესანარჩუნებლად.

● ნევროლოგიური დაზიანებები : ისეთი მდგომარეობებისას,როგორიცაა ინსულტი,ზურგის ტვინის დაზიანება და სხვა.

● მძიმე ფუნქციური  შეზღუდვები

● ქრონიკული მდგომარეობები : ქრონიკული მდგომარეობების ან დეგენერაციული დაავადებების დროს,პასიური მოძრაობის თერაპია ჩართულია გრძელვადიანი მკურნალობის გეგმაში,რაც ეხმარება სახსრებს ფუნქციის შენარჩუნებაში. 

● ხანგრძლივი სტაციონარული მკურნალობა  : პასიური მოძრაობის თერაპია გამოიყენება კონტრაქტურის თავიდან ასაცილებლად,სახსრების მობილობის შესანარჩუნებლად და ხანგრძლივ უმოძრაობასთან დაკავშირებული გართულებების რისკის შესამცირებლად. 

● პალიატიური მზრუნველობა