რა არის ტენდინიტი-ტენდინოპათია?

27/09/2023

ტენდინიტი-ტენდინოპათია მყესის ანთებითი დაავადებაა. მყესი, ძვლებისა და კუნთების დამაკავშირებელი შემაერთებელქსოვილოვანი წარმონაქმნია. ტენდინიტი შეიძლება იყოს როგორც მწვავე, ასევე ქრონიკული.

დაავადება შეიძლება განვითარდეს სხეულის ნებისმიერ უბანში, სადაც ძვალ-კუნთოვანი კავშირებია, თუმცა ყველაზე გავრცელებული ადგილებია:

● ცერა თითის მიდამო;

● იდაყვი;

● მხარი;

● ბარძაყი;

● მუხლი;

● აქილევსის მყესის მიდამო.

ტენდინიტი-ტენდინოპათიის სიმპტომები

● ტკივილი - ტენდინიტის სადიაგნოსტიკო მნიშნელოვანი სიმპტომია. ტკივილი შეიძლება პროგრესირებდეს, ან იყოს მწვავე და ძლიერი;

● დაზიანებული ადგილის შეშუპება;

● ადგილობრივად კანის სიწითლე და ტემპერატურის მომატება;

● სახსრის მოძრაობის შეზღუდვა;

● ტკივილი შეხებისას;

● სახსრის მოძრაობისას “ხრაშუნის” ან გახეხვის შეგრძნება;

● მოძრაობის ამპლიტუდის შემცირება.

ძირითადად რამ შეიძლება გამოიწვიოს ტენდინიტი-ტენდინოპათია?

ტენდინიტი-ტენდინოპათიის ძირითადი გამომწვევი მიზეზებია:

● სახსრის ხშირი, ინტენსიური განმეორებითი მოძრაობები;

● სახსრის დაძაბვა, დაჭიმვა;

● ტრავმა.

ტენდინიტი-ტენდინოპათიის მკურნალობა

> ტენდინიტის სამკურნალოდ გამოიყენება კლასიკული “RICE” თერაპია, რაც გულისხმობს:

● Rest- დაზიანებული ადგილის დასვენება- არ დატვირთოთ დაზიანებული ადგილი 24-48 სთ ის განმავლობაში;

● Ice - ცივი კომპრესიები 10 წთ-ის განმავლობაში, ყინულის უშუალოდ კანზე მოთავსება არ არის რეკომენდირებული(სასურველია იყოს ბარიერი კანსა და ყინულს შორის, მაგალითად თხელი ქსოვილი);

● Compression- დაზიანებული ადგილის ელასტიური ბინტით კომპრესია;

● Elevation - დაზიანებული ადგილის ამაღლებულ პოზიციაში მოთავსება;

> მწვავე ტკივილის კუპირებისთვის გამოიყენება ანთების საწინააღმდეგო არასტეროიდები.

> ანთებითი პროცესის რეგრესთან ერთად რეკომენდირებულია ვარჯიშები სახსრის ირგვლივ კუნთების გასაძლიერებლად. ვარჯიშის წინ აუცილებელია გახურება,შემდეგ შესაძლებელია მსუბუქი სიმძიმეების აწევა ან ელასტიური სავარჯიშო რეზინის გამოყენება.

> რეაბილიტაციის დასაჩქარებლად და ძალების სწრაფი აღდგენისთვის ფართოდ გამოიყენება სხვადასხვა თერაპიები.

PRP თერაპია- თრომბოციტებით მდიდარი პლაზმის ინექცია მყესების დაზიანებისას ეფექტური სამკურნალო საშუალებაა. ის მინიმალურად ინვაზიური პროცედურაა, ამცირებს შეშუპებას და ხსნის ტკივილებს.

ულტრაბგერითი თერაპია - აუმჯობესებს დაზიანებულ ადგილას სისხლმომარაგებასა და ლიმფის მიმოქცევას, აქვს ანთებითი და ტკივილგამაყუჩებელი ეფექტი, ააქტიურებს რეგენერაციულ მექანიზმებს.